Kocha Mkuu wa Yanga Nasreddine Nabi ameuagiza uongozi wa timu hiyo kusaka mechi angalau moja ya kirafiki kukipima kikosi chake kabla ya kurejea kwa mikiki mikiki ya ligi kuu ya Vodacom ngwe ya lala salama
Awali Yanga ilikuwa icheze mechi ya kirafiki dhidi ya African Lyon juzi Jumapili lakini mchezo huo ulifutwa na uongozi wa Yanga kwa kile walichokieleza kuwa sababu zilizokuwa nje ya uwezo
Kaimu Katibu Mkuu wa Yanga Haji Mfikirwa amesema wanaangalia uwezekano wa kupata timu ya Ligi Kuu kujipima nayo
"Ni kweli kocha amefikisha maombi ya kuhitaji mechi za kirafiki, kulingana na timu nyingi za Ligi Daraja la Kwanza kuvunja kambini baada ya ligi yao kumalizika, hivyo tumekuwa na changamoto ya kupata timu ya kucheza nayo"
"Tuna matumaini ndani ya wiki hii kupata timu ya ligi ambayo tutacheza nayo. Mechi hiyo itampa kocha mwanga wa kuona yale aliyokuwa akiyatoa kwenye mazoezi yamefanyiwa kazi, lakini pia kuwapa nafasi wachezaji ambao hawakupata nafasi katika mechi zilizopita za ligi," alisema Mfikirwa
