Mkurugenzi wa Uwekezaji GSM Injinia Hersi Said ambaye pia ni Makamu Mwenyekiti wa Kamati ya Mashindano, amesema wanayanga wanalo jambo la kujivunia kutokana na maendeleo ambayo klabu imefanya tangu GSM walipoingiza udhamini wao
Injinia Hersi ametoa mfano Yanga ya sasa hakuna tena malalamiko ya mishahara, jambo hilo halikuwepo miaka minne iliyopita
"Tunajivunia maendeleo ya timu yetu, msimu huu hakuna mchezaji anadai timu tofauti na msimu uliopita kuna baadhi ya wachezaji walivunja mikataba na kuondoka mfano Lamine Moro, Lakini tulipoingia tulifanikiwa kumrudisha bado tunaendelea kujenga timu yetu," Injinia Hersi aliiambia EFM
Hersi pia amezungumzia usajili ambao Yanga imefanya kuwa ni bora zaidi ukilinganisha na miaka minne nyuma
"Hata kwenye usajili tumefanya mambo makubwa. wachezaji tuliowasajili wana ubora wa hali ya juu. Angalia wachezaji kama Mukoko Tonombe ameitwa timu ya Taifa akitokea Yanga. Kuitwa timu ya Taifa ya DR Congo sio jambo dogo"
"Wachezaji kama Yacouba Songne, Yassin Mustafa wameitwa timu ya Taifa kwa mara ya kwanza wakitokea Yanga"
"Timu haijengwi kwa siku moja, tunaendelea kuijenga timu yetu. Tunaleta wachezaji wazuri zaidi msimu ujao, wale ambao wameshindwa kufanya vizuri tutaachana nao," alisema Hersi
