Tathmini ya wachezaji wazawa ambao wanaweza kuongezwa katika kikosi cha Yanga kuelekea msimu ujao
Yanga imejipanga kuboresha kikosi chake, zoezi ambalo mabosi wa Kamati ya usajili wameshaanza kulifanya kwa umakini mkubwa
Wapo wachezaji wa ndani ambao waliofanya vizuri msimu huu, miongoni mwao hawa wamejipambanua;
Yusufu Mhilu
Mshambuliaji wa Kagera Sugar Yusufu Mhilu kwa sasa ni miongoni mwa washambuliaji wa ndani walio katika kiwango bora sana
Msimu huu kwenye ligi Mhilu amefunga mabao tisa, haishangazi kuona kocha Kim Poulsen amemjumuisha kwenye kikosi chake cha timu ya Taifa kinachotarajiwa kucheza mchezo wa kirafiki dhidi ya Zimbabwe Juni 13
Wakati Yanga ikiwa katika mchakato wa kuimarisha safu yake ya ushambuliaji, kwa wachezaji wa ndani Muhilu anaonekana kuwa chaguo sahihi zaidi
Habari njema ni kuwa huyu ni mchezaji aliyekulia ndani ya Yanga. Aliondoka akiwa chipukizi lakini sana amekomaa
Msimu uliopita alifunga mabao 13 na msimu huu upo uwezekano mkubwa atafunga mabao zaidi ya 10
Rajabu Athumani
Ni kiungo mshambuliaji anayeitumikia klabu ya Gwambina Fc
Pamoja na Gwambina kuwa katika hatihati ya kuteremka daraja, Rajabu ndiye mchezaji bora wa timu hiyo msimu huu
Nyota huyo ana pasi saba za mabao. Ni mchezaji ambaye anaweza kuongeza kitu kwenye kikosi cha Yanga msimu ujao
Abdulmajid Mangalo
Kama Yanga itahitaji kuongeza mlinzi wa kati, basi ni huyu Abdulmajid Mangalo
Kabla ya Dickson Job kusajiliwa dirisha dogo, Mangalo alikuwa akitajwa zaidi
Akiwa nahodha wa Biashara United, Mangalo ni mmoja wa wachezaji walioifanya Biashara United iwe imara sana
Biashara United watacheza na Yanga mchezo wa nusu fainali kombe la FA na pia wanashika nafasi ya nne kwenye msimamo wa ligi
Nao wanawania nafasi ya kushiriki michuano ya CAF msimu ujao
Bryson David
Yanga inatajwa kuwa na mpango wa kuongeza mlinzi wa pembeni upande wa kushoto
David Bryson wa KMC anaweza kuwa ndio mchezaji aliyefanya vizuri zaidi katika nafasi hiyo msimu huu
Inaelezwa Yanga imemuulizia kwa klabu yake ya KMC.Anaweza kuwa usajili wa faida sana kuelekea msimu ujao
