Jana uongozi wa Yanga umedokeza mwenendo wa shauri walilofungua dhidi ya Bernard Morrison
Ni muda mrefu umepita tangu shauri hilo lilipozungumzwa wengi wakiamini ni siasa za viongozi wao kuwatuliza na kuwa hakuna kesi yoyote iliyofunguliwa Mahakama ya Kimataifa ya usuluhishi wa michezo (CAS)
Shauri la Morrison limewaingiza viongozi wa Yanga matatani. Alifungiwa Afisa Habari Hassan Bumbuli kabla ya Yanga kupambana kumtoa kifungoni
Kisha akafungiwa Makamu Mwenyekiti Fredrick Mwakalebela ambaye mpaka leo bado jitihada za kumtoa kifungoni zinaendelea
Lakini sasa ni uhakika, kesi ipo palepale na ITASIKILIZWA
Ukiangalia barua ya CAS kwenda kwa Yanga na Morrison, imebainisha kuwa mpaka kufikia kesho Jumatano Juni 02, pande zote zinatakiwa kuwa zimewasilisha vielelezo zaidi (kama vipo) au la watatoa hukumu kwa kuzingatia vielelezo walivyopokea awali
Aidha inaonekana Shirikisho la Mpira wa Miguu Tanzania (TFF) walikuwa upande wa Morrison wakiomba kesi hiyo irejeshwe kusikilizwa nchini, CAS wamekataa na kusisitiza wanayo Mamlaka ya kusikiliza kesi hiyo
Hii ni hatua muhimu sana kwani kila mtu anafahamu hukumu ya awali ilivyokuwa, Yanga isingepata haki kama kesi ingerudishwa kwa watu walewale waliotoa hukumu ya awali
Kuna kila dalili, upo mchezo mchafu umefanyika na pengine Yanga wanaweza kuipata haki waliyonyimwa hapa nyumbani
Kama Yanga watashinda kesi hii, madhara yake yatakuwa makubwa kwa Morrison mwenyewe na hata klabu ya Simba
Kuna fidia, kufungiwa mchezaji, klabu kunyan'ganywa pointi ambazo mchezaji huyo alishiriki na hata kufungiwa kusajili
Na hapa yapaswa kumbukumbu kuwekwa sawa, Yanga haipiganii kumrejesha Morrison, bali wanapigania haki yao waliyonyan'ganywa na TFF
Haya sasa kiko wapi? Bila #Aibu mlisimama nyuma ya pazia kumtetea na kutuvuruga kwa kupidisha #Kanuni. Uzuri tuliwagundua mapema. Mkajivisha Mamlaka msiyostahili kwa makusudi, kukandamiza haki. Ahsante CAS kwa kuitambua Katiba ya JMT?? pic.twitter.com/Ams1JZ7fRl
— Hassan Bumbuli (@HBumbuli) May 31, 2021
