Dirisha la usajili kwa ajili ya msimu wa 2021/22 lilipaswa kufunguliwa Juni 15 hata hivyo limesogezwa mbele kutokana na kuchelewa kumalizika kwa ligi kuu msimu huu
Ligi ilipaswa kumalizika mwezi huu May lakini kutokana na changamoto zilijitokeza ikiwemo kifo cha aliyekuwa Rais wa Jamhuri ya Muungano wa Tanzania, awamu ya Tano Dk John Magufuli
Mtendaji Mkuu wa Bodi ya Ligi Almasi Kasongo amesema kusimama kwa ligi mwezi mmoja kuliathiri mpangilio wa ratiba pia muingiliano wa ratiba ya michuano ya CAF kwa klabu za Simba na Namungo
Kulingana na Ratiba mpya, msimu utamalizika Julai 18 takribani mwezi mmoja kabla ya kuanza msimu mwingine wa 2021/22
Kasongo amesema watatangaza tarehe ya kufunguliwa dirisha la usajili ingawa ukiangalia jinsi ratiba ilivyo, kunaweza kusiwe na muda mrefu sana
Msimu utakapomalizika pia timu hazitakuwa na muda mrefu wa kufanya maandalizi kwa ajili ya msimu mwingine kwani kutakuwa na takribani mwezi mmoja tu
