Hivi karibuni nahodha wa Yanga Lamine Moro aliingia kwenye mgogoro na benchi la ufundi na kupelekea nyota huyo aondoshwe kambini Mtwara wakati Yanga ikijiandaa na mchezo wa ligi kuu dhidi ya Namungo Fc
Tayari uongozi wa Yanga umepata suluhu ya sintofahamu hiyo kati ya Lamine na benchi la ufundi linaloongozwa na kocha Nasreddine Nabi
Kumekuwa na maswali kama Kocha Nabi ataendelea kumkabidhi Lamine kitambaa cha unahodha au la
Nabi amebainisha kuwa bado ana imani na Lamine kuendelea kuwa nahodha wa timu lakini akimtaka ajitathmini na kuwa mfano kwa wachezaji wengine
"Sioni kama tutafanya uamuzi huo, Lamine alikosea na ana nafasi ya kubadilika, atabaki na nafasi yake. Kitu anachotakiwa ni kuhakikisha anabadilika ili awe mfano bora kwa anaowaongoza"
"Ukiwa kiongozi wapo ambao watakuangalia kwa kile unachofanya na ndio maana amekosea na atapewa adhabu, kuanzia hapo anatakiwa kubadilika na kuwa kiongozi wa mfano mzuri,” alisema Nabi.
Lamine anatarajiwa kurejea kikosini sambamba na Metacha Mnata na Michael Sarpong baada ya mapumziko ambayo wachezaji wamepewa
