Mshambuliaji wa Yanga Princess Aisha Masaka ameibuka kuwa mfungaji bora wa ligi kuu ya Wanawake 'Serengeti Lite' baada ya kuweka kambani mabao 35
Leo Masaka ameiongoza Yanga Princess kupata ushindi wa mabao 6-0 dhidi ya Alliance Girls peke yake akiweka kambani mabao matano
Hata hivyo imekuwa bahati mbaya kwa Yanga Princess kwani wameukosa kidogo tu ubingwa kwa tofauti ya alama moja dhidi ya Simba Queens waliotetea ubingwa walioshinda msimu uliopita
Simba Queens wamepata ushindi wa bao 1-0 dhidi ya Baobab Queens
Yanga Princess imekamilisha msimu ikiwa na alama 53 wakati Simba Queens wamemaliza msimu wakiwa na alama 54
Injinia Hersi Said na kamati ya usajili Yanga wanapaswa kuingia sokoni kusaka mshambuliaji mwenye kariba ya huyu Aisha, hatari sana...!
Lakini msimu umemalizika, Masaka anapaswa kuongezewa mkataba mpya haraka ili kuhakikisha anaendelea kuibeba Yanga Princess
Kikosi hiki cha kocha Edna Lema, pamoja na maboresho yatakayofanyika, msimu ujao kitafanya makubwa zaidi
