Wadau wameishauri TFF na Bodi ya Ligi kuhakikisha wanazingatia ratiba ya mechi za ligi ili usawa uonekane miongoni mw timu zote
Ushiriki wa baadhi ya timu kwenye michuano ya CAF umetumika mara nyingi kuvuruga ratiba ya ligi kuu
Baadhi ya timu mpaka sasa hazijacheza hata mechi za duru ya kwanza wakati ligi inaelekea ukingoni
Katibu Mkuu wa zamani wa TFF Angetile Osiah ni miongoni mwa wadau walioohoji sintofahamu hiyo
Tumeshuhudia kwenye ligi za wenzetu pamoja na timu kuwa na majukumu ya Kimataifa, zinaendelea kucheza mechi zao za ligi
Mfano mzuri ni Kaizer Chiefs ambao keshokutwa Jumamosi watacheza na Simba mechi ya ligi ya mabingwa lakini jana walikuwa uwanjani kucheza mechi ya ligi kuu ya Afrika Kusini
Wapinzani wao Simba mechi waliyopaswa kucheza Jumanne ilifutwa licha ya kuwa wangeweza kucheza mchezo huo na kuondoka siku hiyo hiyo kwenda Afrika Kusini
Utaratibu huu ndio unaopelekea kuwa na mkanganyiko wa ratiba huku tmu nyingine zikirundikiwa mechi nyingi za viporo
Mpaka hii leo Simba hawajacheza mechi yoyote na Namungo msimu huu ambao unaelekea ukingoni
Pia ni hivyo hivyo kwa Namungo Fc, hawajacheza mchezo wowote na Gwambina Fc
Ni aibu kama wasimamizi wa mpira nchini wanaona jambo hili ni sawa kwani halishuhudiwi mahali popote duniani isipokuwa Tanzania
Ukweli ni kwamba utaratibu huu unaweza hata kuzitengenezea timu mazingira ya kupanga matokeo
