Bado hakuna kauli iliyotolewa na TFF kuhusu hatma ya fedha za mashabiki walioingia uwanjani jana kushuhudia mchezo wa watani wa jadi kati ya Simba dhidi ya Yanga uliokuwa upigwe saa 11 jioni kabla ya kupatwa na 'mhaho' kwa muda kubadilishwa masaa mawili kabla ya mchezo
Takribani mashabiki 40,000 waliingia uwanjani kushuhudia mchezo huo lakini waliishia kupigwa mabomu ya machozi na jeshi la Polisi baada ya jaribio la kuandamana kwenda TFF kudai fedha zao
TFF kama wasimamizi wa soka nchini hawawezi kukwepa lawama kwa kadhia hii
Yanga walifuata kanuni na taratibu kwa kutotambua mabadiliko ya kushitukiza yaliyofanywa na kupeleka timu uwanjani katika muda wa awali
TFF imekuwa ikisisitiza timu kuzingatia kanuni na taratibu za uendeshaji wa soka nchini
Yanga imekuwa muhanga wa kuadhibiwa mara kwa mara kwa kudaiwa wamekuwa 'wakaidi' wa kufuata taratibu
Lakini siku ya jana viongozi wa Yanga wanastahili kupongezwa kwani walifanya kile ambacho kanuni zinawaelekeza
Bahati mbaya watani zao Simba walishindwa kufuata kanuni hizo kwa kisingizio cha mabadiliko 'batili' ya muda wa mchezo yaliyofanywa na TFF
Kocha Mkuu wa Yanga Nasreddine Nabi alipania kwelikweli kwani aliingiza jeshi lake uwanjani huku akifanya mabadiliko kadhaa kwenye kikosi chake cha kwanza
Timu iliyokuwa inaanza;
