Sarpong, Fei Toto wasaka rekodi dhidi ya Simba

Mshambuliaji wa zamani wa Yanga Jerry Tegete ndiye anayeshikilia rekodi ya kufunga mabao mengi katika mechi za watani wa jadi katika miaka 10 iliyopita

Katika kipindi hicho, Tegete aliweza kufunga mabao manne

Michael Sarpong na kiungo Feisal Salum 'Fei Toto' ambao wako katika kikosi cha sasa cha Yanga, kila mmoja amefunga bao moja

Leo wanaweza kuwa sehemu ya kikosi kitakachoivaa Simba katika mchezo mwingine ambao wanaweza kujiongezea idadi ya mabao

Sarpong alifunga bao pekee la Yanga katika mchezo wa duru ya kwanza uliomalizika kwa matokeo ya sare ya bao 1-1

Msimu huu mshambuliaji huyo raia wa Ghana amefunga mabao manne tu, atakuwa na kiu ya kuongeza idadi hiyo ya mabao kwa kuendeleza pale alipoishia kwenye mchezo wa kwanza