Winga hatari wa Yanga Tuisila Kisinda 'TK Master' amesema yuko imara kiafya kuelekea mchezo dhidi ya Simba utakaopigwa kesho Jumamosi katika uwanja wa Benjamin Mkapa
Kisinda alirejea uwanjani mwanzoni mwa wiki hii baada ya kupona majeraha ya bega yaliyomuweka nje katika michezo dhidi ya Azam Fc na Tanzania Prisons
Nyota huyo mwenye kasi mithiri ya swala, amesema hana hofu yoyote kuikabili Simba kwani amecheza mechi nyingi za dabi wakati akiwa na AS Vita
"Niko sawa nashkuru, tayari kucheza mchezo huu muhimu. Sina hofu yoyote kwani nimecheza mechi hizi mara nyingi. Kidogo mchezo wa kwanza ulinipa presha sababu nilikuwa sifahamu ukubwa wake, lakini mchezo ujao hautakuwa na presha yeyote kwangu"
"Ninaomba mungu anisaidie nikipewa nafasi nicheze kwa nguvu zote ili kuisaidia timu yangu iweze kushinda"
"Mechi kubwa zinamtambulisha mchezaji, nimetambulika sana sababu ya mechi za aina hii wakati nikiwa DR Congo"
"Nitapenda nifanye kazi kubwa zaidi katika mechi ya kesho kuliko hata zile mechi mbili zilizopita," alisema Kisinda
