Tuisila Kisinda ni moja ya silaha muhimu za Yanga kuelekea mchezo dhidi ya Simba utakaopigwa uwanja wa Benjamin Mkapa, Jumamosi May 08 2021
Kisinda ndiye aliyesababisha penati iliyozaa bao katika mchezo wa kwanza baada ya kuangushwa ndani ya eneo la hatari na beki Joash Onyango aliyemvuta mguu baada kumzidi mbio
TK Master hajaanza kuwasumbua Simba hapa Bongo, wakati yuko AS Vita alikutana na Simba katika mechi za ligi ya mabingwa na kwa hakika cha moto walikiona hasa kwenye mchezo wa kwanza kule DR Congo
Winga mwenye kasi zaidi ndani ya ligi kuu ya Vodacom! Amewapa wakati mgumu walinzi wa timu nyingi
Ukiiangalia safu ya ulinzi ya Simba, inaundwa na wachezaji wakongwe, Paschal Wawa na Joash Onyango, hakika watapata tabu sana hasa ikizingatiwa katika mchezo huo Saido Ntibazonkiza fundi wa kupiga pasi mpenyezo atakuwepo uwanjani
Alipopata majeraha katika mchezo dhidi ya Gwambina Fc, walidhani wamepata ahueni lakini habari mbaya kwao ni kuwa Kisinda amerejea kikamilifu akiendelea na mazoezi tayari kuwakimbiza siku ya Jumamosi
Tunawaambia kabisa, wapeleke maombi TFF ili wawaruhusu Onyango na Wawa waingie na bodaboda uwanjani kwani bila ya hivyo, 'watapata tabu sana'!
