Disemba 14, 2019 Yanga ilimpoteza moja ya wapambanaji wake, Mzee Ibrahim Akilimali aliyefariki dunia baada ya kuugua kwa muda mrefu
Hakuna Mwanayanga ambaye hakumfahamu Mzee Akilimali enzi za uhai wake
Hakuogopa kuzungumza pale alipoona mambo hayaendi sawa. Wakati mwingine aliingia kwenye mgogoro na Wanachama wenzake kutokana na msimamo mkali aliokuwa nao
Wazee hawa wana umuhimu wao katika vilabu vyetu hivi kwani wao ndio wamekuwa navyo na wanafahamu mambo ya ndani zaidi
Katika mitandao ya kijamii bila shaka umewahi kukutana na vipande vya video za Mzee Mpili kutoka kule Ikwiriri, Rufiji
Mzee huyu amejipambanua kuwa Mwanayanga kwelikweli, mara kadhaa amesikika akiwaonya wale waliojaribu kuivuruga Yanga hasa baada ya GSM kuingia kuweka mambo sawa
Mzee Mpili leo alipata nafasi ya kufika Makao Makuu ya klabu ya Yanga, akapokewa na Mkuu wa Kitengo cha Habari na Mawasiliano Hassan Bumbuli
Kuelekea mchezo wa Jumamosi dhidi ya Simba, Wazee hawa sio wa kuwapuuza! kwani wanafahamu mambo mengi hasa zinapokuja mechi hizi za dabi!
"Ukiwa kiongozi ni muhimu Sana kuwasikiliza wale unaowaongoza wanasemaje? Wanashauri nini na wana maoni gani? Leo nimekutana na Mzee Mpili, moja ya Wanachama na Wazee mashuhuri wa Yanga kutoka Rufiji," aliandika Bumbuli katika ukurasa wake wa mtandao wa kijamii
