Jumamosi hii Wananchi watashuka pale uwanja wa Benjamin Mkapa kuwakabili watani zao Simba katika mchezo wa kukata na shoka, ligi kuu ya Vodacom
Ni mchezo ambao Yanga itakuwa na kazi moja tu, kuhakikisha inaondoka na alama zote tatu ili kurejesha matumaini ya kuwania ubingwa msimu huu
Ukitaja mchezo wa watani wa jadi, huwezi kukosa kutaja jina la kiungo Feisal Salum 'Fei Toto' fundi mmoja kutoka kule visiwani Zanzibar
Fei Toto ameshiriki mechi karibu zote za dabi tangu alipojiunga na Yanga misimu mitatu iliyopita
Michezo hii yenye presha ndio humpaisha Fei Toto kwani huwa anaimudu sana
Katika mchezo wa duru ya kwanza, yeye na Mukoko Tonombe 'walikichafua' kwelikweli katika eneo la kiungo, Mukoko akiondoka na tuzo ya nyota wa mchezo
Fei Toto anapokuwa uwanjani katika mchezo wa dabi, yule kiungo wao Mzambia wanaomsifia sana huwa haonekani!
Ataonekana vipi mbele ya Mzanzibar huyu ambaye kipaji chake ni cha asili!
Fei Toto amepona majeraha yaliyomuweka nje kwa mechi kadhaa. Amepata mapumziko muhimu baada ya kutumika kwa muda mrefu
Jumamosi hii anatarajiwa kurejea pale kwa Mkapa kuwakabili Simba, mechi ambayo kwake ni swa na 'kumsukuma mlevi'
