Winga machachari wa Yanga Tuisila Kisinda alipata majeraha katika mchezo wa ligi kuu dhidi ya Gwambina Fc na kupelekea akakosa michezo miwili iliyofuata dhidi ya Azam Fc na Tanzania Prisons
Habari njema ni kuwa Kisinda sasa yuko timamu kwa asilimia 100 kuelekea mchezo dhidi ya Simba utakaopigwa uwanja wa Benjamin Mkapa Jumamosi
Ndio! siku hiyo Kisinda ataendeleza pale alipoishia katika mchezo wa duru ya kwanza ambao ulimalizika kwa matokeo ya sare ya bao 1-1
Kisinda aliwapa wakati mgumu walinzi wa Simba katika mchezo huo na hata ule wa kombe la Mapinduzi ambao ulipigwa visiwani Zanzibar
Kwa hakika hautakuwa mchezo mwepesi kama wanavyodhani kwani pamoja na Kisinda, lakini pia safu ya ushambuliaji ya Yanga itakuwa na wachezaji kama Michael Sarpong, Saido Ntibazonkiza, Carlinhos akitarajiwa kuongezeka katika eneo la kiungo huku Yacouba Songne akiwa 'amenogewa' kufunga
Yacouba yuko katika kiwango bora sana akifunga mabao matatu katika michezo minne iliyopita
Huu ni mchezo ambao Wananchi wamepania kuondoka na alama zote tatu
