Wachezaji Feisal Salum, Mukoko Tonombe na Michael Sarpong wamemaliza adhabu ya kadi za njano waliyotumikia kwa kukosa mchezo uliopita dhidi ya Tanzania Prisons
Hii ina maana kocha Nasreddine Nabi atakuwa na wachezaji wote katika mchezo ujao wa ligi kuu dhidi ya Simba ambao utapigwa Jumamosi ijayo, May 08 katika uwanja wa Benjamin Mkapa
Lakini pia, Nabi atakuwa na nyota wake Tuisila Kisinda na Dickson Job ambao walipumzishwa katika mchezo uliopita dhidi ya Prisons
Kiufupi ni kuwa Yanga itaingia kwenye mchezo dhidi ya Simba ikiwa na kikosi chake kamili
Mpaka sasa ni Mapinduzi Balama pekee ambao atakosekana kutokana na kuendelea na program maalum ya mazoezi kabla ya kurejea uwanjani
Hii ni mechi ambayo nyota wa Yanga wanaitamani kwelikweli. Kama wanadhani utakuwa mchezo mwepesi, wanajidanganya
