Kabla ya mchezo wa hatua ya 16 bora kati ya Prisons dhidi ya Yanga uliopigwa Sumbawanga jana na Yanga kushinda bao 1-0, Prisons waliamini wangeshinda mchezo huo
Tambo za kocha wao Msaidizi na hata wachezaji wao walizianza mapema hata kabla ya mchezo wenyewe
Prisons waliichukulia Yanga kawaida wakiamini wao wana kikosi kizuri kulikio Yanga
Aidha sare waliyopata katika michezo miwili ya ligi, iliwazidishia kiburi wakidhani Yanga ni timu rahisi sana
Lakini walipoingia uwanjani mambo yakawa tofauti. Hakukuwa na mpira wowote wa kimbinu ambao Prisons walicheza zaidi ya kubutua mbele na kuwavaa wachezaji wa Yanga kama vile ulikuwa mchezo wa rugby
Yanga hawakuwa wanyonge, walipambana na ushindi waliopata waliutafuta kwa nguvu zao
Prisons wakaishia kulilia mkwaju wa penati katika tukio ambalo lilikuwa 50-50
Nahodha wao Benjamin Asukile anaenda mbali zaidi kwa kutoa tuhuma ambazo zinaweza kumuweka matatani kama ataamriwa azithibitishe na mamlaka za soka
Lakini pia Asukile anafanya kazi ndani ya taasisi ya Jeshi, ameliaibisha Jeshi la Magereza na pengine anaweza kuchukuliwa hatua huko
Sababu ilikuwa wajibu wake kutoa taarifa mapema za hao watu wa Yanga aliodai walikuwa wakipiga simu watoe Mil 40 ili wakamatwe
Kila mmoja aliishuhudia mchezo, ukiondoa malalamiko ya kunyimwa penati, Prisons hawana cha kujivunia katika mchezo huo kwani walizidiwa na vijana wa kocha Nasreddine Nabi
