Msimu wa 2020/21 unaelekea ukingoni ambapo tetesi za usajili kwa ajili ya msimu ujao zimeanza kushika kasi
Ni wakati ambao mengi husemwa, tetesi nyingine zikiwa na malengo ya kuwaongezea thamani wachezaji tu
Mkurugenzi wa Uwekezaji GSM Injinia Hersi Said ambaye pia ni Makamu Mwenyekiti wa Kamati ya Mashindano Yanga, amesema usajili wa safari hii watatumia utaratibu tofauti
Hersi amesema watafanya usajili makini ambapo watahakikisha michakato yote inafanyika katika usiri mkubwa
Hersi ameeleza kushangazwa na tetesi zilizokuwa zikiwahusu baadhi ya wachezaji wa Simba kutakiwa na Yanga
Amesema miongoni mwa wachezaji wanaowafuatilia, hakuna mchezaji hata mmoja kutoka klabu ya Simba
Amewataka Wanachama na Mashabiki wa Yanga kusubiri wakati utakapofika watafahamu ni maboresho gani wanakwenda kufanya
"Huo ulikuwa uvumi tu, Yanga haikuwa na mpango wa kusajili mchezaji wa aina yeyote pale Simba. Sisi Kama GSM tukitaka mchezaji hapa Tanzania hatuwezi kushindwa na hatutoshindwa. Usajili wa Bakari Mwamnyeto ni mfano"
"Katika orodha ya wachezaji ambao tunawafuatilia, hakuna mchezaji anatoka Simba. Usajili wa Yanga mwaka huu mtapata majibu tu, ni usiri mzito," alisema Hersi
