Nahodha Msaidizi wa klabu ya Polisi Tanzania Pato Ngonyani amesema shinikizo la matokeo na matarajio makubwa kutoka kwa mashabiki vilimfanya ashindwe utamba wakati akiitumikia Yanga
Pato aliondoka Yanga msimu uliopita akajiunga na Polisi Tanzania ambapo amekuwa na msimu mzuri katika kikosi cha maafande hao
Pato amebainisha kuwa sasa anacheza vizuri sababu ya kuaminiwa na hana shinikizo kama ambavyo ilikuwa awali wakati anaitumikia Yanga
Kiraka huyo anayeweza kucheza nafasi ya kiungo mkabaji na mlinzi wa kati, amesema sasa amekomaa na yuko tayari kurejea kwa Wananchi au timu yoyote itakayomuhitaji na kukubaliana nayo pale mkataba wake utakapomalizika mwishoni mwa msimu
"Uzoefu niliopata wakati nikiwa Yanga umenifanya kuwa mkomavu na nimeaminiwa na benchi la ufundi la Polisi Tanzania na kuniona nafaa kuwa nahodha msaidizi,'" alisema Pato
"Mpira ni maisha yangu, kama Yanga au timu nyingine yoyote itanihitaji, niko tayari kujiunga nayo muhimu tu kuwe na maslahi"
Pato aliitumikia Yanga kwa takribani misimu minne kabla ya kutolewa kwa mkopo klabu ya African Lyon dirisha dogo msimu wa 2018/19 na baadae Polisi Tanzania ikamsajili akiwa mchezai huru
