Mlinzi Abdallah Shaibu 'Ninja' ameendelea kuonyesha kiwango bora kwa mchezo wa tatu mfululizo tangu alipoanza kuaminiwa na kuanzishwa katika kikosi cha kwanza
Katika mchezo dhidi ya Azam Fc ambao Yanga imekubali kipigo cha bao 1-0, Ninja alifanya kazi kubwa sana, alikuwa nguzo muhimu kwenye safu ya ulinzi
Kwa muda mwingi aliweza kumdhibiti mshambuliaji hatari wa Azam Fc Prince Dube, ambaye hata hivyo ndiye aliyefunga bao pekee la Azam Fc kwa shuti la mbali ambalo wengi wanaamini mlinda lango Farouk Shikhalo alipaswa kuokoa
Ninja ndiye mchezaji ambaye anaweza kupewa alama nyingi katika mchezo huo kwa upande wa kikosi cha Yanga
Kazi nzuri kwake, pamoja na kuwa timu imefungwa, atapongezwa kwa kile kizuri alichokifanya uwanjani
ADVERTISE HERE
