Matokeo yasiyorishisha ambayo Yanga wanapata, yanawaumiza sana mashabiki
Hamasa ilikuwa kubwa kuanzia mwanzo wa msimu, mashabiki wakajenga imani kuwa msimu huu kuna kitu kitafanyika
Lakini Yanga imepoteza makali yake mwishoni kabisa mwa mbio wengi wanajiuliza nini kimeikumba timu yao pendwa?
Kwa hakika huu ni msimu mwingine ambao Wanayanga wanakosa raha kutoka kwa timu yao
Wengi wanajiuliza, ule ubora ambao Yanga ilianza nao msimu umepotelea wapi?
Pamoja na mabadiliko ya benchi la ufundi, ni kama timu imeendelea kupoteza makali siku hadi siku
Wapo wanaoamini kuwa mabadiliko yaliyofanyika karibuni ni kama yameivuruga timu tu, kulikuwa na ulazima gani wa kuleta kocha mpya wakati msimu uko mwishoni?
Mbona Juma Mwambusi alikuwa ameanza kuiimarisha timu, ile ahadi ya kumuacha mpaka mwisho wa msimu iliishia wapi?
Kwa hakika viongozi wa Yanga wana cha kuwaambia Wanachama katika Mkutano Mkuu ambao utafanyika mwezi ujao
Wao ndio walipewa dhamana ya kuisimamia timu lakini mpaka sasa wanachoambulia ni maumivu tu
