Kocha Mpya wa Yanga Nasredinne Nabi jana alianza rasmi majukumu ya kukinoa kikosi cha mabingwa hao wa kihistoria ikiwa ni siku mbili tangu alipotua nchini
Nabi ameanza majukumu yake huku akipata usaidizi kutoka kwa kocha Juma Mwambusi ambaye imeelezwa ataendelea kubaki kikosini mpaka mwishoni mwa msimu
Nabi ataanza kuonekana uwanjani baada ya mchezo dhidi ya Azam Fc pale vibali vyake vya kufanya kazi nchini vitakapokuwa vimepatikana
Msimu huu Yanga ilianza na Zlatko Krmpotic, akafuata Cedric Kaze, Juma Mwambusi na sasa Nabi, ni makocha wanne mpaka sasa
Yanga ilikuwa katika presha kubwa ya kusaka ubingwa, haishangazi kuona mabadiliko hayo yalifanyika kila wakati timu iliposuasua
Nabi ameletwa kwa mpango wa muda mrefu, bila shaka kocha huyo raia wa Tunisia atapewa muda aweze kuifanya kazi yake
Malengo yaliyowekwa msimu huu ni kushinda ubingwa wa VPL, bado Yanga ina nafasi ya kufanya hivyo lakini isiwe kigezo cha kibarua cha Nabi kwani yeye ataiongoza timu katika michezo nane tu
Katika Mkutano aliofanya na Wanahabari baada ya kusaini mkataba, Nabi alisema timu inahitaji kuimarishwa baadhi ya maeneo kiufundi hivyo ataifanya kazi hiyo
Mashabiki wa Yanga hawapaswi kumuweka katika presha kubwa Nabi ambaye kabla ya kutua Yanga aliinoa klabu ya El Merrikh kwa muda mfupi
Nabi alisisitiza kuwa anahitaji kupewa muda aifanye kazi yake kwa ufasaha
