Anaandika Mkurugenzi wa Uwekezaji GSM mhandisi Hersi Said;
Mfumo pendekezwa wa mabadiliko ya uendeshaji wa klabu ya YANGA umekamilika rasmi.
Kamati ya mabadiliko chini ya Mwenyekiti wake msomi, ALEX MGONGOLWA ilifanya kazi maridhawa kwa ushauri wa LA LIGA na kukabidhi ripoti yake kwa Mwenyekiti wa klabu, Dr. Mshindo Msolla.
Baada ya hapo, Dr. Msolla kwa mamlaka aliyonayo, aliunda kamati ya mabadiliko ya KATIBA kuendana na mfumo pendekezwa chini ya mwanasheria msomi RAYMOND WAWA.
Kamati hizo mbili zimefanya kazi kubwa sana na nichukue fursa hii binafsi kuwapongeza wanakamati kwa kujitoa kwa ajili ya YANGA bora ya kesho.
Aidha, kilichobaki sasa ni muongozo na baraka za washika dau wa michezo nchini hususan;
1. Wizara yenye dhamana na michezo.
2. Baraza la michezo la Taifa.
3. Fair competition commission - FCC
4. TFF
5. Bodi ya Ligi.
Idara hizo hapo juu na nyinginezo zitatupa MUONGOZO wa SEREKALI
juu ya mabadiliko ya vilabu nchini kwa maslah mapana ya taifa kwa ujumla.
Pia, semina elekezi kwa viongozi wa matawi zitatolewa kwa madhumuni ya kusambaza elimu ya mabadiliko haya na pia kupokea MAONI ya wanachama ili kuyafanya mabadiliko haya kuwa shirikishi na yenye maslah mapana ya klabu yetu.
Mwisho, MKUTANO MKUU wa wanachama utafanyika kupata UAMUZI na BARAKA za wanachama kuelekea MABADILIKO.
Safari rasmi ya utelekelezaji wa mabadiliko ya mfumo wa uendeshaji itakuwa imeanza, Inshallah, panapo majaaliwa yake mwenyezi mungu
