AFC Leopards yamtaka Haji Mwinyi

Baada ya timu ya taifa ya Zanzibar 'Zanzibar Heroes' kufanya vizuri kwenye michuano ya Kombe la CECAFA, iliyomalizika Jumapili na timu hiyo kushika nafasi ya pili wachezaji wengi wa timu hiyo wameweza kuzivutia klabu nyingi ambazo zimeonyesha nia ya kuwasajili.

Mlinzi wa kushoto wa Zanzibar Heroes na klabu ya Yanga Hajji Mwinyi ni mmoja wa wachezaji ambao wanawania na klabu ya FC Leopard ya Kenya ambayo tayari miamba hiyo ya Kenya imeonyesha nia ya kuitaka saini yake.

Mwinyi ameuambia mtandao wa GOAL, kuwa yupo tayari kujiunga na FC Leopard, lakini endapo timu hiyo itaweza kuzungumza na klabu yake ya Yanga na kukubaliana mapango huo kwasababu bado anamkataba nao.

"Siwezi kukata ofa kama hiyo lakini mimi bado ni mchezaji wa Yanga kwasababu ninamkataba nao isipokuwa kama wanaweza kunisubiri nimalize mkataba wangu sawa au wazungumze na waajiri wangu kama wataelewana nipo tayari kujiunga nao," amesema Mwinyi.

Beki huyo ambaye hapati nafasi ya kucheza kwenye kikosi cha Yanga ni miongoni mwa wachezaji wa Zanzibar Heroes, awalion'gara kwenye michuano hiyo.

Alitengeneza pasi za mabao mawili katika mchezo wa fainali dhidi ya wenyeji Kenya.

Mbali na Mwinyi mchezaji mwingine ambaye ameonyesha kuivutia klabu hiyo ya Leopard ni kiungo Abdulaziz Makame ambaye naye anahitajika nchini Kenya kujiunga na timu hiyo.