Baada ya kukosekana dimbani tangu ilipomalizika michuano ya kombe la Mapinduzi, beki Abdallah Shaibu 'Ninja' alirejeshwa kikosini katika mchezo wa ligi kuu dhidi ya KMC juzi
Ninja hakuwaangusha Wananchi kwani alionyesha kiwango kizuri sana katika mchezo huo
Alishirikiana vyema na nahodha Lamine Moro, kwa hakika Ninja ni silaha muhimu sana ndani ya kikosi cha Yanga
Ni bahati mbaya tu hakuwa na nafasi ya kuaminiwa wakati wa kocha Cedric Kaze lakini huyu ni chuma kwelikweli
Ninja ni mrithi sahihi wa mkongwe Nadir Haroub 'Cannavaro' ambaye pamoja na kumkabidhi jezi namba 23, alimtabiria kuwa anaweza kupata mafanikio kama aliyoyapata yeye ndani ya Yanga, muhimu aendelee kujituma na kuweka nidhamu mbele
Ninja alirejea Yanga mwanzoni mwa msimu akitokea barani Ulaya
Alipata nafasi ya kucheza LA Galaxy kwa mkopo kabla ya kutimkia Ulaya ambako hata hivyo hakufanikiwa
Ni beki anayekomaa kiuchezaji na hakuna shaka, wakati wake wa kuaminiwa ndani ya kikosi cha Yanga unakaribia
