Afisa Mhamasishaji wa klabu ya Yanga Antonio Nugaz amesema kuwa lawama wanazipokea kwani wanafahamu ni jukumu lao kuhakikisha Yanga inafanya vizuri kuwapa furaha mashabiki
Baada ya kulazimishwa sare ya bao 1-1 dhidi ya KMC jana, mashabiki wa Yanga kwa wingi wao wameutupia lawama uongozi kutokana na mfululizo wa matokeo yaliyoridhisha
Katika michezo saba ya duru ya pili Yanga imeshinda mchezo mmoja tu, imepoteza mmoja na kutoka sare michezo mitano
Nugaz amesema ni jukumu lao viongozi kuhakikisha timu inarejea katika ushindani lakini pia ni jukumu lao mashabiki kuhakikisha wanaiunga mkono timu yao katika hali zote
"Ni kawaida timu ikifanya vibaya ni ya viongozi ikifanya vizuri ni yetu sote. Ni haki yenu mashabiki kulaumu timu ikifanya vibaya na ni wajibu wetu viongozi kuhakikisha tunatatua matatizo yote ili timu ifanye vizuri"
"Tukilitambua hili hatutapata shida ya kunyoosheana vidole, ila pia kila mmoja wetu ana cha kufanya kuhakikisha timu inapata matokeo mazuri"
"Mshabiki kazi yake ni kuishangilia na kuisapoti timu muda wote na kwenye hali zote. Kikubwa ni kuendelea na mapambano naamini tutakaa vizuri zaidi na tabasamu endelevu litarudi pale pale," alisema Nugaz
