Kaimu Kocha MKuu wa Yanga Juma Mwambusi amebainisha kuwa nyota wake watano watakosekana kwenye mchezo wa ligi kuu dhidi ya KMC ambao utapigwa kesho Jumamosi katika uwanja wa Benjamin Mkapa jijini Dar es salaam
Mwambusi amesema pamoja na Mapinduzi Balama, wachezaji Yassin Mustafa, Farid Mussa na Haruna Niyonzima watakosekana kutokana na sababu mbalimbali
Yassin ni mgonjwa wakati Farid nae amerejea siku chache zilizopita baada ya kupona Malaria
Aidha Niyonzima hakupata muda wa kutosha kufanya mazoezi na wenzake baada ya kuchelewa kuingia kambini
Niyonzima alikuwa Rwanda ambako alikuwa akikabiliwa na majukumu ya timu za Taifa
Carlos Carlinhos anatumikia adhabu ya kadi nyekundu, huu ukiwa mchezo wake wa mwisho kukosa kabla ya kurejea dimbani
Aidha kocha Mwambusi amewataka mashabiki wa Yanga kujitokeza kwa wingi uwanja wa Benjamin Mkapa kuiunga mkono timu yao
Amesema wampania kuondoka na alama zote tatu katika mchezo huo ambao wao watakuwa uwanja wa nyumbani
"Tunacheza tukiwa nyumbani, Wanayanga wanatarajia kupata matokeo mazuri, tutapamabana kupata pointi tatu muhimu na hilo ndiyo jambo muhimu," alisema
Mwmabusi amesema kesho watacheza kwa mfumo wa kushambulia zaidi huku wakichukua tahadhari dhidi ya wapinzani wao KMC ambao ni moja ya timu bora kwenye ligi msimu huu
