Ukitaja jina la mkongwe Mohammed Hussein 'Mmachinga' unazungumzia mchezaji mwenye rekodi ya kipekee ndani ya klabu ya Yanga, timu ya Taifa na historia ya soka la Tanzania kwa ujumla
Mmachinga anashikilia rekodi mbili muhimu ndani ya ligi kuu ya Tanzania Bara
Ndiye mchezaji mwenye rekodi ya kufunga mabao 26 katika msimu mmoja wa Ligi Kuu 1995/96
Rekodi hii imedumu kwa zaidi miaka 26 na bado imekuwa ngumu kuvunjwa
Lakini pia mmachinga ndiye mfungaji bora wa muda wote ligi kuu ya Tanzania Bara
Mwamba huyu ameweka kambani mabao 152. Anafuatiwa na mshambuliaji wa Simba John Bocco aliyefunga mabao 136
Kwa wasio fahamu Mmachinga hakuwa akipendelea kupiga mikwaju ya penati hata rekodi ya mabao 26 aliyoweka msimu wa 1995/96 hakukuwa na bao la penati
Kwa sasa Mmachinga ni mwajiriwa wa klabu ya Yanga, akiwa kocha msaidizi wa Yanga Princess
