Tangu arejeshwe katika timu ya Taifa, kiungo mshambuliaji wa Yanga Saido Ntibazonkiza, ameweka rekodi ya kutisha
Ntibazonkiza ambaye kwa sasa ndiye nahodha wa timu ya Taifa ya Burundi, tangu mwishoni mwa mwaka uliopita aliporejeshwa kikosini, amecheza mechi nne, amefunga katika kila mchezo
Ameweka kambani mabao matano. Kwenye michuano ya kufuzu Afcon, amefunga mabao manne
Hata katika kikosi cha Yanga takwimu zake ni tishio pia
Kwenye ligi amecheza mechi tatu tu, amefunga mabao mawili na kutoa pasi tatu za mabao
Wiki zake mbili ndani ya VPL zilitosha kumpa tuzo ya mchezaji bora wa ligi mwezi Disemba 2020
Hakuna shaka, Ntibazonkiza ataongeza nguvu katika kikosi cha Yanga kwenye mbio za kuwania ubingwa
Kama atakuwa timamu kwa asilimia 100, wananchi wajiandae kwa mambo mazuri
