Kaimu Kocha Mkuu wa Yanga Juma Mwambusi ameweka wazi aina ya soka ambalo anataka kikosi chake kicheze
Kocha huyo aliyewahi kuinoa klabu ya Mbeya City kwa mafanikio makubwa, amesema anaiandaa timu yake kucheza 'direct football'
Wakati wa kocha Cedric Kaze, Yanga ilitumia mfumo wa tiki-taka ambao wachezaji wanatengeneza nafasi wakitokea nyuma kwa kupasiana
Mwambusi amebainisha kutakuwa na mabadiliko ya mfumo huo kwani atahitaji timu itengeneza nafasi nyingi za mabao hivyo watahitaji kuwa katika lango la wapinzani wao mara kwa mara
"Tunakwenda vizuri na program ya mazoezi, Tunafanya mazoezi ya ufiti na mbinu, tunakwenda vizuri, wachezaji wamejitoa, sina shaka kwamba Ligi itakapoendelea tutazidi kuwa bora zaidi"
"Sisi tutacheza direct football, tutahitaji kushambulia sana ili tufunge mabao," alisema Mwambusi
Vinara hao wa ligi, wanapaswa wafanye vizuri katika michezo 11 iliyobaki ili waweze kutimiza lengo la kutwaa ubingwa msimu huu
Mechi zilizobaki kumaliza msimu zinatarajiwa kuwa na ushindani mkali, Mwambusi amewaongezea wachezaji wake dozi ya mazoezi ili kuhakikisha wanakuwa fiti na tayari kwa mapambano
