Rais Magufuli kuzikwa Chato leo

Leo ni siku nyingine ngumu kwa Watanzania ambao tuko katika maombolezo ya kumpoteza aliyekuwa Rais wa Jamhuri ya Muungano wa Tanzania, Awamu ya Tano, Hayati Dk John Magufuli aliyefariki dunia Machi 17 kutokana na maradhi ya moyo

Hii Leo mwili wa Hayati Magufuli utapumzishwa kwenye nyumba yake ya milele katika makaburi ya familia mjini Chato

Misa ya mazishi itafanyika katika uwanja wa Magufuli baada ya mwili kutoka kanisani kwa ibada maalumu

Rais Magufuli atazikwa na maelfu ya Watanzania ambao wamekuwa katika huzuni kubwa tangu kifo chake kilipotangazwa Machi 17

Wengi wamesafiri Chato kushiriki mazishi yake, lakini wengine watashuhudia maziko hayo 'mbashara' katika runinga