Afisa Habari wa Yanga Hassan Bumbuli amesema kikosi kinarejea kambini siku ya leo kuendelea na maandalizi ya mechi za ligi na kombe la FA ambazo zitarejea kuanzia April 07 baada ya kipindi cha maombolezo ya kifo cha aliyekuwa Rais wa Jamhuri ya Muungano wa Tanzania hayati Dk John Magufuli
Bumbuli amesema wachezaji walipewa mapumziko ya siku mbili na sasa wako tayari kuendelea na majukumu yao
"Kikosi leo kinarejea kambini Avic Town kuendelea na programu ya mazoezi kujiandaa na michuamo ya Ligi Kuu na FA. Uongozi ulitoa mapumziko ya siku mbili (J3&J4), kabla ya kurejea kwa kambi ya moja kwa moja hadi April 7, maombolezo yakapomalizika na michuano kurejea," amesema Bumbuli
Kunatarajiwa kuwa na mabadiliko ya ratiba baada ya siku 21 za maombolezo kumalizika
