Yanga U-20 dimbani Mkwakwani leo

Leo Jumatano, kikosi cha timu ya vijana ya Yanga umri chini ya miaka 20, kitashuka katika dimba la Mkwakwani kuikabili Coastal Union ukiwa ni mchezo wa ligi kuu ya vijana

Mchezo huo utapigwa kuanzia saa tatu asubuhi

Baada ya ushindi wa mabao 2-0 dhidi ya Namungo Fc katika mchezo wa kwanza, vijana wa Yanga watakuwa na nafasi ya kuendeleza wimbi la ushindi katika michuano hiyo ambayo kipaumbele ni kushinda ubingwa

Msimu huu Yanga imeweka mkakati wa kuhakikisha wanashinda kila taji ambalo timu zao zinashiriki kuanzia ligi ya wakubwa (VPL) , Wanawake na hili la vijana