Kaimu Kocha Mkuu wa Yanga Juma Mwambusi amebadili program ya mazoezi ya vijana wake kuhakikisha wanakuwa sawa kabla ya kurejea kwa mikiki mikiki ya ligi kuu na kombe la FA mwezi ujao
Mwambusi aliyekabidhiwa mikoba iliyoachwa na Cedric Kaze amewasilisha program ya mazoezi ambayo siku ya Jumatatu mpaka Alhamisi wachezaji watafanya program tofauti na siku ya Ijumaa
Katika program hiyo, siku Nne za mwanzo vijana watafanya mazoezi mara mbili kisha Ijumaa watafanya mara moja.
Mwambusi amesema anaamini vijana wake watakuwa sawa huku akiangalia uwezekano wa kupata mchezo wa kirafiki kabla ya ligi kurejea
"Programu hii imelenga kurejesha utimamu wa mwili kwa wachezaji lakini pia kujenga uwezo wa pamoja kama timu kutokana na mapungufu ambayo yalionekana kwenye kikosi," alisema
Mtihani wake wa kwanza utakuwa mchezo wa kombe la FA dhidi ya Tanzania Prisons utakaopigwa Sumbawanga, April 04
Mwambusi ni kocha mwenye uzoefu mkubwa na michezo ya aina hii hivyo bila shaka ataweza kuivusha Yanga salama kuelekea robo fainali
