Yanga ilianza duru ya pili na ratiba ngumu sana ambayo kwa hakika ilikuwa ni lazima wangeacha alama mahali
Ni bahati mbaya tu waliacha alama nyingi mpaka kupelekea benchi la ufundi kufutwa kazi
Walianza duru ya pili na mchezo dhidi ya Tanzania Prisons, wakafuata Mbeya City, wakarudi Dar kuikabili Kagera Sugar na Mtibwa Sugar kabla ya kuelekea mikoa ya Tanga na Arusha kucheza na Coastal Union na Polisi Tanzania
Kwa kuangalia ratiba ya mechi zilizobaki, ni wazi wananchi wavute pumzi kwani michezo mingi wataimalizia nyumbani ukilinganisha na watani zao Simba ambao nao itakuwa zamu yao 'ku-suffer'
Katika michezo 11 iliyobaki, Wananchi wana michezo saba ya nyumbani dhidi ya KMC, Biashara United, Gwambina Fc, Azam Fc, Ihefu Fc, Simba na Mwadui Fc
Wakati mechi zilizobaki ugenini ni dhidi ya Namungo Fc, Ruvu Shooting, Dodoma Jiji na JKT Tanzania
Mchezo dhidi ya Ruvu Shooting utapigwa jijini Dar es salaam hivyo Yanga watasafiri mikoa miwili tu kwenda Lindi (vs Namungo) na Dodoma (vs Dodoma Jiji na JKT Tanzania)
Kwa upande wa watani zao Simba michezo waliyobaki nayo nyumbani ni dhidi ya Dodoma Jiji, Coastal Union, Mtibwa Sugar, Yanga, Mbeya City na Namungo Fc
Wakati michezo ya ugenini ni dhidi ya Kagera Sugar, Namungo Fc, KMC, Polisi Tanzania, Gwambina Fc, Ruvu Shooting, Mwadui Fc na Azam Fc
Simba wana mechi sita nyumbani na mechi nane ugenini pamoja na kuwa baadhi ya mechi za ugenini watacheza Dar
