Kikosi cha Yanga kimeanza safari ya kurejea Tanzania bara baada ya kukamilisha kambi ya siku 10 visiwani Zanzibar, kikiwa sasa kinaelekeza nguvu katika maandalizi ya mchezo ujao wa Ligi Kuu dhidi ya Polisi Tanzania.
Mabingwa hao wanatarajiwa kukutana na Polisi Tanzania Novemba 20 katika Uwanja wa Ushirika, mchezo unaotarajiwa kuwa na ushindani mkubwa kutokana na ubora ambao Polisi Tanzania wamekuwa wakionyesha, hasa wanapocheza kwenye uwanja wao wa nyumbani.
Yanga sasa inalazimika kujiandaa vizuri kwa mchezo huo ikiwa na lengo la kupata matokeo mazuri katika safari yake ya kuendelea na kampeni za ligi.