Simba Sports Club imeendelea na maandalizi ya uchaguzi mkuu wa klabu hiyo utakaofanyika Januari 3, 2027, baada ya Kamati ya Uchaguzi kutoa tangazo la nafasi za uongozi zitakazogombewa na wanachama wenye sifa.
Kupitia taarifa kwa umma, Kamati ya Uchaguzi imesema tangazo hilo limetolewa kwa mujibu wa Ibara ya 37 ya Katiba ya Simba Sports Club ya mwaka 2018, iliyofanyiwa marekebisho Novemba 30, 2025, pamoja na Ibara ya 26(12) na Ibara ya 27 za katiba hiyo.
Nafasi ya mwenyekiti wa klabu inatarajiwa kuwa miongoni mwa zinazovuta zaidi hisia za wanachama, huku uchaguzi huo ukitarajiwa kuamua viongozi watakaosimamia klabu katika kipindi kijacho.
Tangazo hilo linaweka rasmi hatua nyingine katika mchakato wa uchaguzi, huku wanachama wenye sifa wakisubiri maelezo zaidi kuhusu nafasi zote zitakazogombewa na utaratibu wa kuwasilisha maombi ya kugombea.
Uchaguzi huo umepangwa kufanyika Januari 3, 2027, jijini Dar es Salaam.
