Bodi ya Wakurugenzi ya Klabu ya Simba SC imetangaza kuwa Mkutano Mkuu wa Kawaida wa Mwaka 2026 pamoja na uchaguzi wa viongozi wa klabu hiyo utafanyika Januari 3, 2027 jijini Dar es Salaam.
Kupitia taarifa iliyotolewa Oktoba 26, 2026, bodi hiyo imeeleza kuwa hatua hiyo inafanyika kwa mujibu wa Katiba ya Simba ya mwaka 2018, toleo la mwaka 2026.
Aidha, bodi imewataarifu wanachama wote kuwa wito rasmi wa mkutano, ajenda pamoja na nyaraka nyingine zinazohusiana na mkutano huo zitawasilishwa kwa wanachama kupitia matawi yao.
Bodi ya Wakurugenzi imewataka wanachama wa Simba kujiandaa kuhudhuria mkutano huo, ambao pamoja na masuala mengine utahusisha uchaguzi wa viongozi wa klabu hiyo.
Taarifa hiyo imehitimishwa kwa kusisitiza umuhimu wa wanachama kufuatilia mawasiliano rasmi kupitia matawi yao ili kupata maelezo zaidi kuhusu maandalizi ya mkutano na uchaguzi huo.
