Kocha wa zamani wa Liverpool, Jürgen Klopp, amesema anaiona Barcelona kuwa timu bora zaidi kuliko Real Madrid kwa sasa, huku macho ya mashabiki wa soka yakielekezwa kwenye pambano la El Clásico litakalozikutanisha miamba hiyo ya Hispania Jumapili, Oktoba 25.
Klopp, ambaye amesema amekuwa akifuatilia kwa karibu soka la Hispania kwa muda mrefu, anatarajiwa kuwa miongoni mwa watazamaji wa pambano hilo linalobeba historia, ushindani na heshima kubwa kati ya Barcelona na Real Madrid.
Ameeleza kuwa mtazamo wake kuhusu timu hizo ulibadilika kadiri muda ulivyopita. Awali, alikuwa akiipendelea Barcelona kutokana na kutopendezwa na kauli za Pepe pamoja na baadhi ya mabeki wa Real Madrid waliokuwa wakicheza katika kipindi hicho.
“Hapo awali nilikuwa nikiipendelea zaidi Barcelona kwa sababu sikupendezwa na namna Pepe na baadhi ya mabeki wengine wa Real Madrid walivyokuwa wakicheza. Siku hizi naunga mkono timu bora zaidi, na kwa hali ilivyo sasa, huenda ikawa Barcelona,” amesema Klopp.
Kauli hiyo imeongeza mjadala kuelekea El Clásico, mchezo ambao matokeo yake yanaweza kuwa na athari muhimu katika mbio za ubingwa wa La Liga.
