Simba Queens imeanza kwa kishindo safari yake ya kutwaa Ngao ya Jamii Wanawake 2026 baada ya kuichapa Yanga Princess mabao 3-0 katika mchezo wa nusu fainali uliochezwa leo Jumatano, Septemba 30, 2026.
Simba Queens ilitawala mchezo huo na kupata mabao kupitia Vivian Corazone, Senaf Wakuma na Merry Siyame, huku Yanga Princess wakishindwa kupata bao la kujibu hadi dakika ya mwisho ya mchezo.
Ushindi huo umeiwezesha Simba Queens kutinga fainali ya Ngao ya Jamii Wanawake, ambako itakutana na JKT Queens katika pambano la kuwania taji hilo la ufunguzi wa msimu.
Kwa upande mwingine, Yanga Princess itakuwa na kibarua kingine cha kusaka nafasi ya tatu dhidi ya Mashujaa Queens, baada ya kupoteza nafasi ya kucheza fainali.
Matokeo hayo yameongeza sura mpya katika ushindani kati ya timu hizo mbili za Kariakoo katika soka la wanawake, huku Simba Queens sasa ikielekeza nguvu zake katika fainali kwa lengo la kumaliza mashindano hayo ikiwa na taji.
