Kocha Mkuu wa Taifa Stars, Miguel Gamondi ametangaza rasmi kikosi cha wachezaji watakaoingia kambini kujiandaa na michezo miwili ya kirafiki dhidi ya timu za taifa za Uganda na Rwanda katika dirisha la kalenda ya FIFA.
Kikosi hicho kimeundwa na mchanganyiko wa wachezaji wanaocheza ligi za ndani pamoja na wale wanaocheza soka la kulipwa nje ya nchi, hatua inayolenga kuongeza ushindani ndani ya timu na kuendelea kuijenga Taifa Stars kuelekea mashindano yajayo ya kimataifa.
Miongoni mwa majina yaliyojumuishwa kwenye kikosi hicho ni makipa Zuber Foba na Aishi Manula, huku safu ya ulinzi ikiongozwa na Yona Amos, Nickson Kibabage, Bakari Mwamnyeto na Haji Mnoga.
Katika eneo la kiungo, mashabiki watapata nafasi ya kuwaona nyota kama Mudathiri Yahya, Charles M'Mombwa, Feisal Salum pamoja na Bakari Msimu wakiongoza ubunifu wa timu katikati ya uwanja.
Safu ya ushambuliaji nayo imepewa nguvu mpya kupitia wachezaji wenye uzoefu na kasi akiwemo Simon Msuva, Selemani Mwalimu, Said Khamis na Tarryn Allarakhia.
Kikosi Kamili cha Taifa Stars
- Zuber Foba
- Aishi Manula
- Yona Amos
- Pascal Msindo
- Nickson Kibabage
- Ibrahim Hamad
- Elias Lwii
- Bakari Mwamnyeto
- Vedastus Masinde
- Mohamed Mussa
- Haji Mnoga
- Novatus Dismas
- Mohamed Ssage
- Abubakari Kiswanya
- Mudathiri Yahya
- Charles M'Mombwa
- Alphonce Maabula
- Bakari Msimu
- Tarryn Allarakhia
- Feisal Salum
- Simon Msuva
- Selemani Mwalimu
- Cyprian Kachwele
- Said Khamis
