Namungo imethibitisha kumsimamisha kipa wao, Beno Kakolanya kwa kile kinachodaiwa ni utovu wa nidhamu huku mchezaji huyo akisubiri hatma yake baada ya suala lake kupelekwa kamati ya maadili
Kakolanya anaitumikia Namungo kwa mkopo msimu mmoja akitokea Singida Black Stars ambapo mkataba wake na Singida Black Stars unatarajiwa kumalizika mwishoni mwa msimu
Mratibu wa Namungo, Ally Suleiman, amethibitisha taarifa ya nyota huyo kusimamishwa
"Tumempeleka kamati ya maadili ambayo itakaa na mchezaji kwa ajili ya mazungumzo kabla ya kutoa hukumu, lakini hadi hivi sasa hayupo pamoja na timu, ameondolewa hadi atakapoitwa na kamati"
"Shida kubwa iliyotufanya tumuondoe kikosini ni suala la utovu wa nidhamu. Kwa sasa ifahamike kuwa Kakolanya hayupo pamoja na timu," alisema
