Kimahesabu ni kama Yanga imetanguliza mguu mmoja mbele raundi ya kwanza ya ligi ya mabingwa barani Afrika baada ya ushindi wa mabao 4-0 dhidi ya Vital'o katika mchezo wa mkondo wa kwanza uliopigwa uwanja wa Azam Complex
Mechi ya marudiano kukamilisha hatua ya awali itapigwa uwanja wa Benjamin Mkapa siku ya Jumamosi, August 24, Yanga ikiwa mwenyeji wa mchezo huo
Kimahesabu Yanga watahitaji hata sare tu ili kusonga mbele lakini ni wazi Wananchi watakwenda kucheza kwa nguvu kubwa kuhakikisha wanaondoka na ushindi mnono
Ushindi wa mabao 4-0 waliopata katika mchezo wa kwanza uliwapatia Tsh Milioni 20, fedha maarufu 'goli la Mama' ambazo ni bonus inayotolewa na Rais wa Jamhuri ya Muungano wa Tanzania Mh. Dk. Samia Suluhu Hassan, Tsh Milioni 5 kwa kila goli linalofungwa katika mechi hizi za hatua ya awali
Hivyo mchezo wa pili Yanga sio tu itakuwa ikitafuta matokeo ili iweze kutinga raundi ya kwanza, lakini kila goli litakalofungwa litakuwa na thamani ya Tsh Milioni 5
