Mrithi wa mikoba ya mshambuliaji, Jean Baleke ambaye ameondoka Simba akiwa kinara wa kuzifumania nyavu ndani ya ligi akiwa katupia mabao 8, Michael Fred ana balaa kutokana na rekodi zake
Fred raia wa Ivory Coast amepewa jukumu la kuendeleza pale Baleke alipoishia na kwa mujibu wa takwimu zake, kazi hiyo anaiweza
Michael kwenye ligi ya Zambia katika mechi 18 alizocheza alifunga jumla ya mabao 14 huku akitengeneza pasi nne za mabao
Rekodi hizo ni balaa! muhimu kwake ni kupata ushirikiano kutoka kwa wachezaji wenzake na zaidi kupewa ulinzi na kuepushwa na mazingaombwe ya nje ya uwanja
Fred atakuwa na kazi kuvunja rekodi ya Baleke aliyefunga mabao 8 msimu wa 2022/23 katika miezi mitano aliyocheza
Ikumbukwe Baleke alisajiliwa na Simba dirisha dogo 2023 akitokea TP Mazembe ambayo imemrejesha kundini baada ya kuitumikia Simba kwa msimu mmoja tu
Ahmed Ally, Meneja wa Idara ya Habari na Mawasiliano Simba amesema anaamini washambuliaji wapya waliotua dirisha dogo fred na Pa Omary Jobe wataendeleza moto wa kuzifumania nyavu kama huko walikotoka
"Kazi kubwa ambayo ipo kwa washambuliaji wetu wapya ni kufunga mabao tunaamini kwamba wachezaji watatimiza majukumu yao na tutashangilia mabao," alisema
