Paris St-Germain wana nia ya kutaka kumnunua kiungo wa Manchester United na Brazil Casemiro, 31, ambaye pia amekuwa akihusishwa na klabu ya Al-Hilal ya Saudi Arabia. (Sports Zone via Sun)
Manchester United wanatatizika kupata mnunuzi wa mshambuliaji Mwingereza Jadon Sancho, 23, huku mshahara wake wa pauni 350,000 kwa wiki ukiaminika kuchangia hali hiyo. (Sun)
Mkurugenzi wa soka wa Ligi ya Saudi Pro Michael Emenalo anaamini kuwa itakuwa vigumu kumshawishi mshambuliaji wa Liverpool mwenye umri wa miaka 31 kutoka Misri Mohamed Salah kujiunga na ligi hiyo mwezi Januari. (Sky Sports)
Kipa wa zamani wa Manchester United David de Gea, 33, kwa mara nyingine tena amechochea uvumi wa kurejea Ligi Kuu ya Uingereza kwa kuchapisha ujumbe wenye maana fiche kwenye mitandao wa kijamii. (Mirror)
Villarreal wanavutiwa na beki wa Arsenal Mreno mwenye umri wa miaka 32 Cedric Soares. (ESPN) Kocha wa Tottenham Ange Postecoglou anataka kusajili beki mpya katika dirisha la uhamisho la Januari. (Standard)
Klabu za Arsenal na Tottenham zilituma maskauti wao kumfuatilia kiungo wa Ubelgiji Arthur Vermeeren, 18, akiichezea Royal Antwerp katika ushindi wao mnono wa Ligi ya Mabingwa dhidi ya Barcelona. (90 min)
RB Leipzig wamewasiliana tena na Liverpool ili kueleza nia ya kutaka kumbakisha winga wa Ureno Fabio Carvalho, 21, licha ya Reds kumtaka arejee nyumbani kwa kukosa muda wa kucheza. (Fabrizio Romano)
Mkufunzi wa Barcelona Xavi, 43, anakabiliwa na wakati mgumu uwanjani Nou Camp baada ya mfululizo wa matokeo mabaya, na hakuna mkuu wa bodi ya klabu hiyo anayemuunga mkono Mhispania huyo. (AS - kwa Kihispania)
Kiungo wa Ecuador mwenye umri wa miaka 16 Kendry Paez atafanya mazoezi na Chelsea wiki ijayo. The Blues walimsajili kutoka Independiente del Valle msimu uliyopita kwa makubaliano ya kujiunga na klabu hiyo atakapotimiza umri wa miaka 18. (Telegraph - usajili unahitajika)
BBC
