Kocha Mkuu wa Simba Abdelhak Benchikha leo atakuwa jiji la Marrakesh huko Morocco kuhudhuria hafya ya utolewaji tuzo za mwaka za CAF. Benchikha anawania tuzo ya Kocha Bora wa mwaka
Msimu uliopita Benchikha aliiongoza USM Alger kutwaa kombe la Shirikisho barani Afrika (CAF CC) kisha kuiongoza timu hiyo kushinda Super Cup kwa ushindi dhidi ya Al Ahly
Anachuana na Walid Regragui wa timu ya Taifa ya Morocco na Aliou Cisse wa timu ya Taifa ya Senegal
Rais wa Yanga, Injinia Hersi Said ane atakuwa sehemu ya waalikwa watakaoshuhudia tuzo za mwaka CAF
Hersi ambaye pia ni Mwenyekiti wa vilabu vya soka Barani afrika (ACA) atakuwepo katika tuzo hizo zitakazofanyika nchini Morocco katika mji wa Marrakesh
Yanga iliingia katika kinyang'anyiro cha kuwania tuzo ya klabu bora ya mwaka lakini haikufanikiwa kupenya katika mchujo wa mwisho uliobakisha timu tatu Wananchi wakiishia kwenye tano bora
Mlinda lango Djigui Diarra pia hakufanikiwa kupenya kwenye orodha ya mwisho ya wachezaji wanaowania tuzo ya kipa bora na mchezaji bora wa mwaka (wanaocheza Afrika)
Mshambuliaji Fiston Mayele ambaye sasa anaitumikia Pyramids Fc anawania tuzo ya mchezaji bora wa mwaka (wanaocheza Afrika) kutokana na mafanikio yake aliyopata na Yanga msimu uliopita akiibuka mfungaji bora wa kombe la Shirikisho (CAF CC)
