Yanga yaifumua ASAS Fc mabao 5-1

Mkono mwingine unapigwa na Wananchi katika uwanja wa Azam Complex, Yanga ikitinga raundi ya kwanza ligi ya mabingwa kibabe kwa ushindi wa mabao 5-1 dhidi ya Asas Fc ya Djibout

Yanga inasonga mbele kwa ushindi wa jumla wa mabao 7-1 na sasa itacheza na El Merrikh katika mchezo wa raundi ya kwanza

Ilikuwa ni Maxi Day, ama kwa hakika imekuwa siku njema kwa Maxi Nzengeli kwani aliitendea haki

Maxi alifunga mabao mawili katika mchezo huo ambao ilitawala kwa muda wote

Mabao mengine yalifungwa na Hafiz Konkoni, Pacome Zouzou na Clement Mzize

Yanga inafunga mabao matano katika mchezo wa pili mfululizo, ikitoka kuibugiza KMC mabao 5-0 katika mchezo wa ligi kuu