Afisa Habari wa Azam Fc Hasheem Ibwe amesema wapinzani wao watarajie kukutana na balaa kwenye ligi na mashindano mengine msimu huu
Baada ya kutofanya vizuri kwenye michuano ya Ngao ya Jamii kwa kumaliza nafasi ya tatu ikipata ushindi wa mabao 2-0 dhidi ya Singida FG, wana rambaramba hao wamehamishia nguvu zao kwenye ligi ambapo leo watachezana Kitayosce Fc (Tabora United)
Ibwe amesema kuwa wapo ambao walikuwa wakisema kuwa timu hiyo haina ubora lakini kupitia mchezo wa pili waliona picha halisi
"Kupoteza mchezo wa kwanza wa Ngao ya Jamii dhidi ya Yanga haina maana kwamba hatuna kikosi imara. Bahati nzuri kulikuwa na mechi ya pili iliyokuja na picha tofauti na waliokuwa wanabeza wameona ubora uliopo"
"Tunahitaji kufanya vizuri kwenye mashindano ambayo tunashiriki hilo lipo wazi tutapambana kufanya hivyo na mashabiki waendelee kuwa pamoja nasi kwenye kila hatua," alisema Ibwe
Kabla ya mchezo wa dhidi ya Kitayosce Fc, leo kuanzia saa 8:00 mchana Azam Fc wana jambo lao katika uwanja wa Azam Complex
