Manula atoka Hospitalini Afrika Kusini

Mlinda lango wa Simba Aishi Manula amekamilisha awamu ya kwanza ya matibabu yake Afrika Kusini ambapo alifanyiwa upasuaji

Manula aliruhusiwa kutoka Hospitalini jana na anatarajiwa kurejea Tanzania siku ya Jumapili

Kulingana na taarifa iliyotolewa na Simba, Manula atakuwa nje kwa takribani miezi minne akiendeleza kuuguza jeraha

Daktari wa Simba Dk Edwin Kagabo amesema awamu ya pili ya matibabu ya Manula itahusisha kliniki maalum ya mazoezi ambayo itamsaidia kupona jeraha katika muda atakaokuwa nje