Liverpool wanataka kumsajili kiungo wa kati wa Manchester City Kalvin Phillips msimu wa joto na mchezaji huyo wa kimataifa wa Uingereza mwenye umri wa miaka 27 yuko tayari kuhama. (Star)
Chelsea watafanya mazungumzo na mshambuliaji wa Ubelgiji Romelu Lukaku, ambaye yuko kwa mkopo katika klabu ya Inter Milan, na watamuuliza mchezaji huyo mwenye umri wa miaka 29 kama anataka kufufua soka lake la Blues chini ya mkufunzi mtarajiwa Mauricio Pochettino. (Telegraph - usajili unahitajika)
Kocha wa muda wa Chelsea, Frank Lampard yuko tayari kuzungumza na Pochettino kuhusu kikosi cha The Blues ili kusaidia mabadiliko yanayotarajiwa ya Muargentina huyo kuwa rahisi iwezekanavyo. (Evening Standard)
Tottenham, Chelsea na Manchester United wako tayari kumnunua kiungo wa kati wa Fulham na Ureno Joao Palhinha, 27, msimu huu. (Football Insider)
Chelsea wana nia ya kumsajili mlinda mlango wa Cameroon Andre Onana, 27, kutoka Inter Milan na wanaweza kumtumia kipa wao wa Uhispania Kepa Arrizabalaga, 28, kama sehemu ya mkataba huo. (Gazzetta dello Sport - kwa Kiitaliano)
Kiungo wa kati wa Uholanzi Ryan Gravenberch, ambaye amekuwa akihusishwa na Liverpool, anasema anataka kucheza zaidi katika kikosi cha kwanza katika klabu ya Bayern Munich msimu ujao na mchezaji huyo mwenye umri wa miaka 20 atasubiri kuona kitakachotokea katika klabu hiyo ya Ujerumani. (Voetbal International - kwa Kiholanzi)
Kocha wa Newcastle United Eddie Howe atakuwa na bajeti ya uhamisho ya hadi pauni milioni 150 kutumia msimu huu wa joto. (Sun)
Newcastle wanamfuatilia beki wa kati wa Roma na Brazil Roger Ibanez, 24. (Nicolo Schira)
Newcastle inatafakari uwezekano wa kumuuza winga Mfaransa Allan Saint-Maximin, 26, msimu huu wa joto. (Football Insider)
BBC
